کوشش کریں گے ایک ڈرافٹ پر اتفاق ہو، مولانافضل الرحمان

سربراہ جمعیت علمااسلام (ف)مولانافضل الرحمان نےکہاہےکہ کوشش کریں گے ایک ڈرافٹ پر اتفاق ہو، ہم اپناڈرافٹ پی ٹی آئی کے ساتھ بھی شیئر کریں گے تاکہ اتفاق رائے حاصل ہو سکے۔
خصوصی پارلیمانی کمیٹی کے اجلاس کے بعد میڈیا سے گفتگو کرتے ہوئے مونالا فضل الرحمان کا کہنا تھاپیپلز پارٹی اور جے یوآئی آپس میں بات چیت بھی کریں گے، پیپلز پارٹی کی تجاویز بھی سامنے آئی ہیں، حکومت نے آئینی ترامیم کے حوالے سے اپنا ڈرافٹ پہلی بار ہمارے ساتھ شیئر کیا ہے۔ کوشش کریں گے ایک ڈرافٹ پر اتفاق ہو، ہم اپناڈرافٹ پی ٹی آئی کے ساتھ بھی شیئر کریں گے تاکہ اتفاق رائے حاصل ہو سکے۔
مولانافضل الرحمان کامزیدکہناتھاکہ حکومت کے ساتھ ہماری بات چیت شروع ہو گی، دیکھتے ہیں پھر بات کہاں تک پہنچتی ہے۔میں یہ نہیں کہہ سکتا کہ کب تک یہ معاملہ طے ہو جائے گا، ابھی تو ایک اتفاق ہوا ہے کہ اس پر اتفاق رائے حاصل کیا جائے، ہم اتفاق رائے حاصل کرنا چاہتے ہیں۔ عجلت نہیں ہونی چاہیے، 18 ویں ترمیم میں بھی 9 مہینے لگے تھے، آج کوئی کہتا ہےکہ 9گھنٹے یا 9 دن بھی نہیں دے سکتے تو یہ اچھی بات نہیں ہے۔