کپل شرماکےکیفےپرایک بارپھرفائرنگ:بشنوئی گینگ نے ذمہ داری قبول کرلی

بھارتی کامیڈین کپل شرماکےکیفے ’’کیپس کیفے‘‘ پر ایک بار پھر فائرنگ کا واقعہ پیش آیا ہے۔جس کی ذمہ داری بشنوئی گینگ نےقبول کرلی۔
بھارتی میڈیاکابتاناہےکہ کینیڈا کے شہر سرے میں کپل شرماکےکیفے ’’کیپس کیفے‘‘ کاافتتاح رواں سال جولائی میں ہواتھاجس پر4مہینوں میں تیسری بارفائرنگ کاواقعہ پیش آچکاہے۔
بھارتی میڈیاکی رپورٹ کےمطابق کپل شرماکےکیفےپرفائرنگ کی ویڈیومنظرعام پرآچکی ہے،جس میں دیکھاجاسکتاہےکےایک گاڑی میں بیٹھے حملہ آور نے کیفے پر متعدد گولیاں برسائیں جس کی وجہ سے عمارت کی کھڑکیاں ٹوٹ گئیں۔ خوش قسمتی سے کوئی زخمی نہیں ہوا۔
بھارتی میڈیا کے مطابق گینگسٹر لارنس بشنوی کے گروپ سے وابستہ کولویر سدھو اور گولڈی ڈھِیلون نے سوشل میڈیا پر کیفےپرفائرنگ کی ذمہ داری قبول کی ۔اورسوشل میڈیاپروائرل ایک مبینہ پوسٹ میں کہاکہ ہمارا عام عوام سے کوئی جھگڑا نہیں۔ جو لوگ ہمیں دھوکہ دیتے ہیں اُنہیں خبردار کیا جا رہا ہے اور جو بالی وڈ شخصیات ہمارے مذہب کے خلاف بولتی ہیں، اُنہیں بھی تیار رہنا چاہیے کیونکہ گولیاں کہیں سے بھی آ سکتی ہیں۔
دوسری جانب پولیس نےتفتیش شروع کردی ہے، سی سی ٹی وی فوٹیجز حاصل کر لی گئی ہیں اور عینی شاہدین سے بیانات لیے جا رہے ہیں۔
پولیس کا کہناہے کہ حملے کی وجوہات ممکنہ طور پر مالی تنازع اور مذہبی جذبات کو ٹھیس پہنچنے سے متعلق ہیں۔