کینیڈا:وزیراعظم مارک کارنی نے جیت کااعلان کردیا

کینیڈاکےوزیراعظم مارک کارنی نےاپنی جیت کااعلان کردیا۔لبرل پارٹی 166 اور کنزرویٹو نے 146 نشستیں حاصل کیں۔
غیرملکی خبرایجنسی کی رپورٹ کےمطابق کینڈامیں انتخابات کےابتدائی نتائج میں لبرل پارٹی کوبرتری حاصل ہے،حکو مت بنانےکیلئے343کےایوان میں 172سیٹیں درکارہوتی ہیں،جگمیت سنگھ نےشکست کےبعدپارٹی قیادت سےمستعفی ہونےکااعلان کردیا،دوسری جانب وزیراعظم مارک کارنی نےاپنی جیت کااعلان کردیا،لبرل پارٹی 166اورکنزرویٹونے146نشستیں حاصل کیں۔
غیرملکی خبرایجنسی کےمطابق مارک کارنی نےکہاہےکہ ڈونلڈٹرمپ ہمیں توڑنےکی کوشش کررہے ہیں،قوم کومتحدہوکرچیلنجزسےنمٹناہوگا،ٹرمپ ہمیں امریکامیں ضم کرناچاہتےہیں،ایسانہیں ہونےدیں گے،کینیڈاکےشہریوں کیلئےہرفورم پرکام کروں گا۔
واضح رہےکہ سابق وزیراعظم جسٹن ٹروڈوکےاستعفےکےبعدمارک کارنی کولبرل پارٹی رہنمامنتخب کیاگیاتھاجس کےبعدمارک کارنی نے14مارچ کونئی کابینہ کےساتھ بطور وزیراعظم حلف اٹھایاتھا۔مارک کارنی نےقبل ازوقت انتخابات 28اپریل کوکروانےکااعلان کیاتھاجبکہ کینیڈامیں الیکشن رواں سال 20اکتوبرکوہونےتھے۔