کےپی میں سینیٹ انتخابات کامعاملہ:عدالت نےالیکشن کمیشن سےجواب طلب کرلیا

خیبرپختونخوامیں سینیٹ انتخابات کےانعقادکےمعاملےپرعدالت نےالیکشن کمیشن سےجواب طلب کرلیا۔
پشاورہائیکورٹ میں خیبرپختونخوامیں سینیٹ انتخابات کے انعقاد کیلئے دائر درخواست پرسماعت چیف جسٹس اشتیاق ابراہیم اورجسٹس وقاراحمدپرمشتمل بینچ دورکنی بینچ نےکی۔الیکشن کمیشن کےوکیل عدالت میں پیش ہوئے۔
وکیل الیکشن کمیشن نےموقف اختیارکیاکہ سینیٹ الیکشن کے حوالے سے 10دسمبر کو اجلاس ہوا،ابھی تک اس پرمشاورت جاری ہے،مخصوص نشستوں کی ریویوپٹیشن سپریم کورٹ میں زیرالتواہےاسکوبھی دیکھ رہےہیں۔
چیف جسٹس اشتیاق ابراہیم نےریمارکس دئیےکہ ہم آپ کودوہفتےکاوقت دیتے ہیں۔
وکیل الیکشن کمیشن نےاستدعاکی کہ ٹائم تھوڑازیادہ کریں،اس پرتھوڑاوقت لگےگا۔
چیف جسٹس اشتیاق ابراہیم نےکہاکہ آپ بتائیں کونسی تاریخ دیں۔
وکیل الیکشن کمیشن نےکہاکہ اس کیس کوزیرالتوارکھیں ہم جواب جمع کرائیں گے۔
چیف جسٹس اشتیاق ابراہیم نےریمارکس دئیےکہ آپ کوایسی کھلی چھوٹ بھی نہیں دےسکتے۔
عدالت نےالیکشن کمیشن سے16جنوری تک جواب طلب کرلیا۔