گلگت بلتستان : نگر میں جدید سافٹ ویئر ٹیکنالوجی پارک کا قیام

گلگت بلتستان کی وادیٔ نگر میں جدید سافٹ ویئر ٹیکنالوجی پارک کا قیام، ڈائریکٹر جنرل ایس سی او نے ہرسپو داس، نگر میں سافٹ ویئر ٹیکنالوجی پارک کا افتتاح کردیا۔
ایس سی او کے ویژن 2025 کا مقصد آزاد کشمیر اور گلگت بلتستان میں ڈیجیٹل انقلاب لانا ہے۔ یہ اقدام ایس سی او کے ویژن 2025 کے تحت گلگت بلتستان کے دور دراز علاقوں میں ڈیجیٹل ترقی کے فروغ کا حصہ ہے۔
سافٹ ویئر ٹیکنالوجی پارک جدید انفراسٹرکچر، تیز رفتار کنیکٹیویٹی اور پیشہ ورانہ رہنمائی فراہم کرے گا۔ یہ فری لانسنگ اور آئی ٹی کے میدان میں نوجوانوں کو خودمختار بنانے کیلئے ایک اہم پیشرفت ہے اور اس منصوبے سے نگر اور ملحقہ علاقوں کے نوجوان فری لانسنگ اور آئی ٹی کے مواقع سے مستفید ہوں گے اور ڈیجیٹل معیشت میں ترقی کر سکیں گے۔
ایس سی او مستقبل میں مزید ایسے آئی ٹی سینٹرز اور فری لانسنگ ہبز قائم کرنے کیلئے پُرعزم ہے۔