ہم سب کادشمن ایک ہے،اس کی پالیسی مسلمانوں میں تفرقہ ڈالنےکی ہے،ایران

ایرانی سپریم لیڈرآیت اللہ خامنہ ای نےکہاہےکہ ہم سب کا دشمن ایک ہے اور اس کی پالیسی مسلمانوں میں تفرقہ ڈالنے کی ہے،مسلمان متحد ہو جائیں تو دشمنوں پر قابو پا سکتے ہیں۔
ایران کےسپریم لیڈرآیت اللہ خامنہ ای نےتقریباً 5سال بعدایک بارپھرتہران میں نمازجمعہ کاخطبہ دیااورامامت کرائی ،آیت اللہ خامنہ ای کی اقتدارمیں ہزاروں کی تعدادمیں مسلمانوں نےنمازجمعہ پڑھی۔
اپنے خطاب میں آیت اللہ علی خامنہ ای کاکہناتھاکہ اسرائیل کے تحفظ پر امریکی توجہ خطے کے وسائل پر قبضےکی پالیسی کا حصہ ہے، اسرائیل کو خطے سے یورپ تک توانائی کی برآمد کا راستہ بنانا مقصد ہے، جس طرح 7 اکتوبر کاحملہ جائز تھا اسی طرح ایران کا اسرائیل پر حملہ جائز ہے، ضرورت ہوئی تو مستقبل میں بھی کارروائی کریں گے۔خطے میں مزاحمت پیچھے نہیں ہٹے گی اور نا ہی اسرائیل کبھی بھی حزب اللہ اور حماس پر فتح یاب ہو پائے گا۔
اُن کامزیدکہناتھاکہ ہم اسرائیل کو جواب دینے میں تاخیر نہیں کریں گے اور نہ ہی جلدی کریں گے، اسرائیل قتل و غارت اور عام شہریوں کو قتل کرکے جیتنے کا ڈرامہ کر رہا ہے، اسرائیلی حکومت کے جرائم اس کے خاتمے کا باعث بنیں گے۔ ہم سب کا دشمن ایک ہے اور اس کی پالیسی مسلمانوں میں تفرقہ ڈالنے کی ہے، ایران کا دشمن فلسطین، لبنان، عراق، مصر، شام اور یمن کا دشمن ہے۔
آیت اللہ خامنہ ای کاکہناتھاکہ مسلمان قوموں کو افغانستان سے یمن، ایران سے غزہ اور لبنان تک دفاعی لائن بنانا ہوگی، ہر ملک کو جارح کے خلاف اپنے دفاع کا حق حاصل ہے، مسلمان متحد ہو جائیں تو دشمنوں پر قابو پا سکتے ہیں۔