ہنی ٹریپ کیس میں اہم پیش رفت

پاکستان شوبزانڈسٹری کےمعروف ڈرامہ نگارخلیل الرحمٰن قمرہنی ٹریپ کیس میں وکیل کوتیاری کے لئے مہلت دےدی گئی۔
لاہورہائیکورٹ کےجسٹس شہبازرضوی کی سربراہی میں دورکنی بینچ نے خلیل الرحمٰن قمر ہنی ٹریپ کیس کی ملزمہ آمنہ عروج اور یاسر علی کی درخواست ضمانت پر سماعت کی۔خلیل الرحمن قمر بذات خود عدالت کے روبرو پیش ہوئے۔
ملزمہ کےوکیل نےموقف اختیارکیاکہ انسداد دہشت گردی عدالت لاہور نے آمنہ عروج اور یاسر علی کی ضمانت بعد از گرفتاری خارج کر دی، ملزمہ کو خلیل الرحمٰن قمر کی جانب سے ناجائز ڈیمانڈ پوری کرنے کے لیے بلیک میل کیا گیا۔
موقف دیا گیا کہ آمنہ عروج کے انکار پر مقامی پولیس نے خلیل الرحمٰن کی ملی بھگت سے ملزمہ کو کیس میں نامزد کیا، ایف آئی آر چار دنوں کی تاخیر کے بعد درج ہوئی جس سے پراسیکیوشن کا کیس بری طرح متاثر ہوتا ہے۔
ملزمہ کے وکیل نے موقف دیا کہ خلیل الرحمٰن قمر اور پولیس نے آمنہ عروج کو غیر قانونی حراست میں رکھا، آمنہ عروج کی والدہ کی جانب سے 15 پر کال پر ملزمہ کو ماڈل ٹاؤن پولیس کے حوالے کیا گیا۔آمنہ عروج کے خلاف کوئی بھی ثبوت سامنے نہیں آیا۔
ملزمہ کے وکیل کی جانب سے عدالت میں استدعا کی گئی کہ لاہور ہائیکورٹ ملزمہ آمنہ عروج کی درخواست ضمانت منظور کرے۔
عدالت نے خلیل الرحمٰن قمر کے وکیل کو تیاری کی مہلت دیتے ہوئے سماعت 22 اکتوبر تک ملتوی کر دی۔