یوٹیوبررجب کےگھرپرفائرنگ،ملزمان فرار،مقدمہ درج

یوٹیوبررجب کےگھرپرفائرنگ کاواقعہ،ملزمان موقع واردات سےفرار، نامعلوم افرادکےخلاف مقدمہ درج کرلیاگیا۔
یوٹیوب سےچندسالوں میں اپنی پہنچان بنانےوالےرجب بٹ جوکہ سوشل میڈیا پراچھی خاصی فین فالونگ رکھتےہیں۔وہ کسی نہ کسی وجہ سےخبروں کی زینت رہتے ہیں۔ کبھی اپنےمتنازع ولاگ کی وجہ اورکبھی پیسوں کےضیاع پر۔ہمیشہ کی طرح اس باربھی رجب بٹ آج کل پھرخبروں کی زینت بنےہوئےہیں ،مگراس بارمعاملہ کچھ اورہے۔یوٹیوبررجب بٹ کےگھرپرنامعلوم افرادفائرنگ کرکےفرارہوگئے۔
یوٹیوبر رجب بٹ کے گھر پر فائرنگ کے واقعے کا مقدمہ تھانہ چوہنگ میں رجب بٹ کی مدعیت میں دفعہ 440 اور 429 کے تحت درج کر لیا گیا۔
ایف آئی آر کے مطابق رجب بٹ نے بتایا کہ 24 جون کو رات 9:45 پر وہ اپنے دوستوں کے ہمراہ تھے کہ گھر سے کال آئی کہ ہمارے گھر کے باہر نامعلوم افراد آئے اور مجھے گالیاں دیتے ہوئے اور فائرنگ کرکے فرار ہوگئے۔
گولیاں میرے گھر کی دیواروں پر لگیں اور گولیاں لگنے سے گلی میں موجود ایک کتا بھی ہلاک ہوگیا۔
رجب بٹ نے بتایا کہ واقعے کی اطلاع انہوں نے 15 پر دی اس دوران گاڑی میں سوار تمام افراد موقع سے فرار ہوگئے۔نامعلوم افراد نے مجھے اور میری فیملی کو نقصان پہنچانے کی غرض سے حملہ کیا، تحفظ فراہم کیا جائے اور ملزمان کیخلاف قانونی کارروائی کی جائے۔