یوٹیوب نےمتعددفیچرزمتعارف کروادئیے

یوٹیوب کی طرف سے شارٹ ویڈیوز بنانیوالے صارفین کیلئے اہم خبر۔معروف ویڈیو شیئرنگ ایپ نے ٹاک ٹاک جیسی مختصر ویڈیوز پوسٹ کرنیوالوں کیلئے متعدد نئے فیچرز متعارف کروا دیے ۔
ٹیکنالوجی کی دنیامیں روزبروزنئی ایجادات اوراضافےہورہےہیں ہرکوئی نئےسےنئےکی تلاش میں ہوتاہے،ایسےمیں یوٹیوب نےاپنےصارفین کےلئےمتعددنئےفیچرزمتعارف کروادئیےہیں ۔
یوٹیوب نے اعلان کیا ہے کہ متعارف کردہ نئے فیچرز میں سے بعض فوری طور پر صارفین کیلئے دستیاب ہوں گے، جبکہ دیگر فیچرز بھی چند ہی ہفتوں میں دستیاب ہوں گے۔یوٹیوب شارٹس کے نام سے متعارف کرایا گیا ایک نیا فیچر ٹک ٹاک کے ٹیکسٹ ٹو سپیچ ویڈیو نیریشن جیسا ہے ،جس کیلئے آرٹیفیشل انٹیلیجنس (اے آئی) ٹیکنالوجی پر مبنی وائس اوور کی سہولت فراہم کی جائے گی۔یوٹیوب شارٹس میں سکرین کے اوپری بائیں کونے پر ایڈوائس کے بٹن پر کلک کرکے صارفین فی الحال دی گئی 4 آوازوں میں سے اپنی پسند کی کوئی بھی آواز منتخب کرسکتے ہیں۔
یوٹیوب نے ایک اور نیا فیچر آٹو جنریٹڈ کیپشنز کابھی متعارف کروایا ہے، جس کے ذریعے صارفین ویڈیو سے نکلے بغیر آٹو جنریٹڈ کیپشنز کو استعمال کرسکیں گے اور مختلف فونٹس اور رنگوں سے کیپشنز کے انداز بھی تبدیل کرسکیں گے، اسی طرح مائن کرافٹ ایفیکٹس کے ایک نئے سیٹ کو بھی ویڈیو سروس کا حصہ بنایا جا رہا ہے۔