190ملین پاؤنڈریفرنس:اعظم خان پرجرح مکمل

190ملین پاؤنڈریفرنس میں سابق پرنسپل سیکرٹری اعظم خان پرجرح مکمل کرلی گئی۔
اڈیالہ جیل میں 190ملین پاونڈ ریفرنس کی سماعت ہوئی۔ریفرنس کی سماعت احتساب عدالت کے جج محمد علی وڑائچ نے کی۔نیب کی جانب سے پراسیکیوٹر جنرل سردار مظفر عباسی اور امجد پرویز ٹیم کے ہمراہ پیش ہوئےجبکہ بانی پی ٹی آئی اور بشریٰ بی بی کے وکلاء ظہیر عباس چودھری، بیرسٹر علی ظفر و دیگر پیش ہوئے۔
بشریٰ بی بی اور بانی پی ٹی آئی کے وکلاء نے سابق پرنسپل سیکرٹری اعظم خان پر جرح مکمل کرلی۔سابق وزیر اعلیٰ خیبرپختونخواپرویز خٹک اور سابق وفاقی وزیر زبیدہ جلال پر بانی پی ٹی آئی کے وکیل ظہیر عباس چودھری نے جرح مکمل کرلی۔
پرویز خٹک اور زبیدہ جلال پر بشریٰ بی بی کے وکیل عثمان گل آئندہ سماعت پر جرح کرینگے۔
بشریٰ بی بی کے وکیل عثمان ریاض گل آج عدالت پیش نہ ہوسکے۔بانی پی ٹی آئی نے انگریزی روزنامہ فراہم کرنے کی درخواست دائر کردی۔بانی پی ٹی آئی اور بشریٰ بی بی کمرہ عدالت میں موجود تھے۔
عدالت نے190 ملین پاؤنڈ ریفرنس کی سماعت 22 جولائی تک ملتوی کردی ۔