26ویں آئینی ترمیم کیخلاف دائردرخواست خارج،عدالت نےتحریری فیصلہ جاری کردیا

سپریم کورٹ نےعابدی زبیری و دیگر کی جانب سے 26ویں ترمیم کیخلاف دائر درخواست خارج کرنے کا تحریری فیصلہ جاری کردیا۔
چیف جسٹس قاضی فائز عیسیٰ نے 2 صفحات پر مشتمل فیصلہ تحریر کیا۔
تحر یری فیصلہ میں کہاگیاکہ درخواست گزاران کی جانب سے وکیل حامد خان پیش ہوئے،وکیل حامد خان نے آگاہ کیا کہ ان کو درخواست واپس لینے کی ہدایات ملی ہیں،16 ستمبر کو دائر کی گئی درخواست پر رجسٹرار آفس کی جانب سے 8 اعتراضات بھی عائد کیے گئے تھے،عابد زبیری نے وکیل حامد خان کی جانب سے درخواست واپس لیے جانے کی استدعا کی تصدیق کی۔
تحریری فیصلہ میں مزیدکہاگیاکہ درخواست گزاران کی جانب سے درخواست واپس لیے جانے کی بنیاد پر خارج کی جاتی ہے۔