9مئی واقعات کیس :عدالت نےسماعت عیدکےبعدتک ملتوی کردی
نو مئی کے واقعات میں ملوث ملزمان کی ضمانت منسوخی کیس کی سماعت عدالت نے عید کے بعدتک ملتوی کردی۔
سپریم کورٹ میں نو مئی کے واقعات میں ملوث ملزمان کی ضمانت منسوخی کے لیے درخواستوں پر سماعت ہوئی۔ چیف جسٹس پاکستان یحییٰ آفریدی کی سربراہی میں تین رکنی بینچ نے اس کیس کی مختصر سماعت کی،بینچ میں جسٹس مسرت ہلالی اور جسٹس گل حسن اورنگزیب بھی شامل تھے۔پنجاب پراسیکوشن کی طرف سے ایڈووکیٹ ذوالفقار نقوی نے عدالت میں پیش ہو کر اپنا موقف پیش کیا۔
عدالت نے اس اہم کیس کی سماعت عید کے بعد تک ملتوی کرنے کا فیصلہ کیا۔
عدالت نے درخواست گزار کے وکیل کو مزید تیاری کے لیے وقت دیا تاکہ وہ کیس کی تفصیلات کو بہتر طریقے سے پیش کر سکیں ۔
اس سے قبل گزشتہ روز بھی سپریم کورٹ نے نو مئی کے تمام مقدمات کو یکجا کرکے عید کے بعد تک سماعت ملتوی کر دی تھی۔ جس کے بعد اس کیس کا فیصلہ عید کے بعد کیا جائے گا ۔عدالت نے ملزمان کے ضمانتی فیصلوں پر اپیلوں کی سماعت کی اور فیصلہ کیا کہ تمام کیسز کو ایک ساتھ سن کر ایک ہی وقت میں ان پر فیصلہ کیا جائے گا۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔