9مئی ملزمان کی ضمانت:حکومت کاعدالت سےرجوع

پنجاب حکومت نے سانحہ نو مئی کے ملزمان کی ضمانت منسوخ کرنے کیلئے سپریم کورٹ سے رجوع کرلیا۔
پراسیکیوٹر جنرل نے راولپنڈی میں نو مئی کے14 مقدمات میں ملزمان کی ضمانت منسوخ کرنے کیلئے درخواست دائر کردی۔ بانی پی ٹی آئی، شاہ محمود قریشی، شیخ رشید احمد سمیت 57 ملزمان کی فہرست سپریم کورٹ میں جمع کرادی گئی۔
راولپنڈی کے مختلف تھانوں میں درج مقدمات میں 700 سے زائد پی ٹی آئی کے رہنما اور کارکن نامزد ہیں۔انسداد دہشت گردی کی عدالت نے پی ٹی آئی کے کارکنوں اور رہنماؤں کی ضمانت منظور کی تھی۔ پنجاب حکومت نے ملزمان کی ضمانت منسوخی کو سپریم کورٹ میں چیلنج کر دیا۔
درخواست میں انسداد دہشت گردی عدالت راولپنڈی کے جج کو فریق بنایا گیا ہے۔نو مئی کے درج مقدمات میں نامزد ملزمان کی ضمانت منسوخی کی اپیل درخواست لاہور ہائی کورٹ کے چیف جسٹس نے جرمانوں کے ساتھ خارج کر دی تھی۔
ایڈووکیٹ جنرل پنجاب کےذریعےحکومت نےدرخواست دائرکی تھی۔لاہور ہائی کورٹ سے اپیل مسترد ہونے کے بعد پنجاب حکومت نے بذریعہ ایڈوکیٹ جنرل سپریم کورٹ سے رجوع کیا۔ 57 افراد کی لسٹ میں پی ٹی آئی کی مرکزی لیڈرشپ شامل ہے۔