این اے 66کاضمنی الیکشن،لیگی امیدواربلال فاروق بلامقابلہ کامیاب

این اے 66کےضمنی الیکشن میں حکمران جماعت کےامیدواربلال فاروق بلامقابلہ کامیاب ہوگئے۔
ریٹرننگ افسر کی جانب سے مسلم لیگ ن کے امیدوار بلال فاروق تارڑ کی بلا مقابلہ کامیابی کا نوٹیفکیشن بھی جاری کر دیا گیا ہے اور فارم 34 الیکشن کمیشن کو بھجوا دیا ہے۔
ریٹرننگ افسر کا کہنا ہے کہ الیکشن کمیشن فارم 34 کی بنیاد پر کامیابی کا نوٹیفکیشن جاری کرےگا۔
انہوں نے بتایا کہ حلقے میں 30 امیدواروں نے کاغذات نامزدگی جمع کروائے تھے، سنی اتحاد کونسل اور پیپلز پارٹی سمیت 8 امیدواروں نے کاغذات واپس لے لیے تھے، دیگر امیدواروں نے کاغذات واپسی کا وقت گزرنے کے باعث ریٹائرمنٹ لے لی۔
یاد رہے کہ این اے 66 وزیر آباد کی نشست سنی اتحاد کونسل کے احمد چٹھہ کی نااہلی کے بعد خالی ہوئی تھی۔
واضح رہےکہ بلال فاروق تارڑ وفاقی وزیراطلاعات عطااللہ تارڑ کےبھائی ہیں۔