بس بہت ہوگیا،ہم سسٹم کا حصہ اس لیے ہیں کہ ملک میں جمہوریت برقرار رہے، بیرسٹرگوہر

چیئرمین تحریک انصاف بیرسٹرگوہرنےکہاکہ بس بہت ہوگیا،ہم سسٹم کا حصہ اس لیے ہیں تا کہ ملک میں جمہوریت برقرار رہے۔
پارلیمنٹ ہاؤس کے باہر میڈیا سے گفتگو کرتے ہوئے چیئرمین پی ٹی آئی بیرسٹر گوہر کاکہناتھاکہ الیکشن کےبعدسےاب تک پی ٹی آئی پرمظالم ڈھائے جارہے ہیں، بس بہت ہوگیا،والدین کوجیل میں رکھ کربچوں سےکیسےبات کی جائے،میں نے باربارکہاہےکہ تھوڑےسنجیدااقدامات کرنےچاہئیں،بانی پی ٹی آئی سے ملاقات بندکرکےکچھ حاصل نہیں ہوگا،پاکستان کےعوام کوطیش نہ دلوائیں۔
اُن کامزیدکہناتھاکہ خان صاحب سے ملاقاتوں کی اجازت نہیں ہے جو ملاقاتوں کے لیے آتا ہے اس پر واٹر کینن کا استعمال کیا جاتا ہے، اگر وہ دو گھنٹے تک اور بیٹھے رہتے تو ملک اور قوم کا کیا نقصان ہو جاتا۔یہ کاروباری دنیا نہیں ہے کہ دو میں سے ایک مائنس کرو تو ایک رہ جائے گا، اگر ایک مائنس ہوا تو اس کے بعد ایک بھی باقی نہیں رہے گا، خان صاحب کی بہنوں پر واٹر کینن کا استعمال کیا گیا۔
بیرسٹرگوہرکاکہناتھاکہ آپ یہ بہانہ لگا رہے ہیں کہ خان کی ٹویٹ کی وجہ سے ملاقات نہیں ہو رہی، کیا بشریٰ بی بی کی فیملی پریس کانفرنسز کر رہی ہے ان کی ملاقاتیں کیوں نہیں کروا رہے؟ہم یہ سمجھتے ہیں کہ اس سے کچھ نہیں ہوگا لیکن پھر ایسا ہو گا جو کسی کے کنٹرول میں نہیں ہوگا، ہم سسٹم کا حصہ اس لیے ہیں تاکہ ملک میں جمہوریت برقرار رہے، ہم اس وقت تین کروڑ عوام کی نمائندگی کر رہے ہیں۔