بشریٰ بی بی سےملاقات نہ ہونےپربیٹی نےعدالت سےرجوع کرلیا

بشریٰ بی بی سےملاقات نہ ہونےپربیٹی نےلاہورہائیکورٹ سےرجوع کرلیا۔
بشریٰ بی بی کی بیٹی نے اڈیالہ جیل میں والدہ سے ملاقات کے لیے لاہور ہائیکورٹ سے رجوع کرلیا۔ مبشرہ خاور نے صدر لاہور ہائیکورٹ بار آصف نسوانہ کے توسط سے درخواست دائر کی، جس میں پنجاب حکومت، سپرنٹنڈنٹ اڈیالہ جیل سمیت دیگر کو فریق بنایا گیا ہے۔
درخواست میں مؤقف اختیار کیا گیا ہے کہ بشریٰ بی بی اس وقت اڈیالہ جیل میں قید ہیں اور جیل رولز کے تحت درخواست گزار کو اپنی والدہ سے ملاقات کا حق حاصل ہے۔
درخواست میں مزید کہا گیا کہ شیڈول کے مطابق ہر منگل کو اہل خانہ سے ملاقات کا دن مقرر ہے، تاہم بارہا کوششوں کے باوجود سپرنٹنڈنٹ کی جانب سے ملاقات کی اجازت نہیں دی جا رہی۔
درخواست میں عدالت سے استدعا کی گئی ہے کہ سپرنٹنڈنٹ اڈیالہ جیل کو والدہ سے فوری ملاقات کرانے کا حکم دیا جائے۔