ہیکنگ صلاحیتوں کو بڑھانے کیلئے چیٹ جی پی ٹی کاسپیشل ورژن متعارف

ٹیکنالوجی کی دنیا میں انقلاب برپا،اوپن اے آئی نے چیٹ جی پی ٹی کا ایک خاص ورژن متعارف کروا دیا ، جسے خاص طور پر ہیکنگ صلاحیتوں کو بڑھانے کیلئے تیار کیا گیا ہے۔
اس ریلیز کا مقصد سائبر سکیورٹی ماہرین کو یہ سہولت دینا ہے کہ وہ اس سسٹم کی مدد سے ممکنہ حملوں کی نشاندہی کریں اور ان کے خلاف بہتر دفاع تیار کر سکیں۔
اوپن اے آئی کے مطابق جی پی ٹی5.4سائبر ایک ایسا ماڈل ہے، جسے خاص طور پر اضافی سائبر صلاحیتوں کے ساتھ اور نسبتاً کم پابندیوں کے تحت فائن ٹیون کیا گیا ہے۔دیگر تبدیلیوں کے ساتھ، اب یہ ماڈل ایسی کمزوریاں تلاش کرنے سے کم انکار کرتا ہے، جو ہیکرز کیلئے کارآمد ہو سکتی ہیں۔
اوپن اے آئی کی یہ ریلیز اس وقت سامنے آئی ہے، جب اس سے کچھ ہی پہلے اینتھروپک نے اپنا نیا ماڈل کلاؤڈ مائتھوز جاری کیا، جو کافی حد تک اسی نوعیت کا ہے۔اس ماڈل کی ریلیزنے ان خدشات کو جنم دیا ہے کہ مصنوعی ذہانت انٹرنیٹ کی سکیورٹی کے بڑے حصے کو خطرے میں ڈال سکتی ہے، کیونکہ یہ پہلے سے نامعلوم کمزوریوں کو تلاش کرنے کی صلاحیت رکھتی ہے۔