خدا کے گھر میں سب برابر، مزدلفہ میں (آئیوری کوسٹ) کے صدر نے عام حاجی بن کر مثال قائم کر دی

حج کے دوران ایک منفرد اور روحانی منظر اس وقت دیکھنے میں آیا جب ساحلِ عاج (آئیوری کوسٹ) کے صدر نے دیگر لاکھوں عازمینِ حج کی طرح سادہ حاجی کے طور پر مناسکِ حج ادا کیے۔

اس موقع پر انہیں کسی خصوصی پروٹوکول کے بغیر عام حجاج کے ساتھ مزدلفہ میں دیکھا گیا، جہاں وہ سادگی اور مساوات کے ماحول میں عبادات میں شریک رہے۔

یہ منظر اس بات کی علامت قرار دیا جا رہا ہے کہ حج کے دوران تمام انسان برابر ہیں اور اس مقدس سفر میں نہ کوئی بادشاہ ہوتا ہے اور نہ کوئی عام آدمی، بلکہ سب اللہ کے حضور ایک جیسے ہیں۔

سوشل میڈیا پر اس واقعے کو سادگی، عاجزی اور ایمان کی خوبصورت مثال کے طور پر سراہا جا رہا ہے۔