امریکہ کی ایک یونیورسٹی کے طالبعلموں نے ایک منفرد تجرباتی گاڑی تیار کی ہے جو انتہائی کم ایندھن میں غیر معمولی طویل فاصلہ طے کرنے کی صلاحیت رکھتی ہے۔
طالبعلموں کے مطابق یہ گاڑی روایتی الیکٹرک یا ہائبرڈ ماڈلز سے مختلف ہے اور ایک لیٹر ایتھنول پر سیکڑوں میل کا سفر کرنے کی صلاحیت رکھتی ہے۔
ماہرین نے اسے “سپر مائلیج” کا نام دیا ہے، جس کا وزن تقریباً 49 کلوگرام ہے اور اس کی تیاری میں ہلکے کاربن فائبر میٹریل کا استعمال کیا گیا ہے۔
اس گاڑی کا فیول ٹینک انتہائی چھوٹا ہے، جو صرف 30 ملی لیٹر ایندھن رکھ سکتا ہے، تاہم اس کم مقدار میں بھی یہ تقریباً 20 میل تک کا فاصلہ طے کر لیتی ہے۔
یہ گاڑی بریگھم ینگ یونیورسٹی کے طلبہ نے “شیل ایکو میراتھون” مقابلے کے لیے تیار کی ہے، جس کا مقصد کم سے کم ایندھن میں زیادہ سے زیادہ فاصلہ طے کرنے والی گاڑیاں بنانا ہے۔
رپورٹس کے مطابق یہ گاڑی ایک گیلن ایندھن میں تقریباً 2150 میل تک چل سکتی ہے، تاہم اس میں رفتار اور سہولت کی بجائے ایندھن کی بچت کو ترجیح دی گئی ہے۔
ماہرین کے مطابق یہ منصوبہ توانائی کے مؤثر استعمال اور مستقبل کی کم ایندھن والی ٹیکنالوجی کی سمت ایک اہم تجربہ قرار دیا جا رہا ہے۔
