اٹارنی جنرل کے گھرپر پولیس کا چھاپہ ،ایس پی کینٹ عہدے سے فارغ

اٹارنی جنرل آف پاکستان منصور اعوان کے گھر پر پولیس کے چھاپے کے معاملے پر ایس پی کینٹ کوعہدے سے ہٹا دیا گیا۔
پولیس کے مطابق چھاپے کے معاملے پر سی سی پی او نے 2 افسران کو انکوائری افسر مقررکردیا ہے، دونوں افسران نے واقعے کی جگہ کا جائزہ لیا۔
پولیس کے مطابق دونوں افسران انکوائری مکمل کرکےسی سی پی او کو رپورٹ بھجوائیں گے۔اس سے قبل اٹارنی جنرل آف پاکستان منصور اعوان کے گھر غلط فہمی کی بنیاد پر پر پولیس کی نفری لانے پر ایس ایچ او سمیت 11 اہلکاروں کے خلاف مقدمہ درج کیا گیا تھا۔