پاکستان کے معروف یوٹیوبر رجب بٹ نے دعویٰ کیا ہے کہ ان کی مجموعی دولت ایک ارب روپے (100 کروڑ روپے) سے زیادہ ہو چکی ہے۔
ایک حالیہ پوڈکاسٹ میں گفتگو کے دوران میزبان نے ان سے سوال کیا کہ آیا وہ کروڑ پتی ہیں یا ارب پتی؟ اس پر رجب بٹ نے جواب دیا کہ وہ گزشتہ سال باضابطہ طور پر ارب پتی بن گئے تھے۔
رجب بٹ کے مطابق ان کی مجموعی دولت 100 کروڑ روپے سے تجاوز کر چکی ہے۔ انہوں نے کہا کہ وہ اپنی کامیابی کو خوش قسمتی کے ساتھ ساتھ کئی برسوں کی مسلسل محنت کا نتیجہ سمجھتے ہیں، جس کے لیے انہیں تقریباً 12 سال جدوجہد کرنا پڑی۔
ان کا کہنا تھا کہ یوٹیوب، برانڈ پروموشنز اور دیگر کاروباری سرگرمیوں نے ان کی آمدنی اور مالی کامیابی میں اہم کردار ادا کیا۔
واضح رہے کہ رجب بٹ کی جانب سے اپنی دولت کے بارے میں کیا گیا یہ دعویٰ کسی آزاد یا سرکاری ذریعے سے تصدیق شدہ نہیں ہے۔
