پنجاب بھرمیں دفعہ 144نافذ،نوٹیفکیشن جاری

پنجاب بھر میں3روزکےلئے دفعہ 144نافذکر دی گئی حکومت پنجاب نے صوبہ بھر میں جلسہ، جلوس، ریلیوں، دھرنوں اور احتجاج پر پابندی لگا دی ،محکمہ داخلہ پنجاب نےنوٹیفکیشن جاری کردیا۔
محکمہ داخلہ کےنوٹیفکیشن کےمطابق پابندی کا اطلاق جمعرات 22 اگست سے ہفتہ 24 اگست تک ہوگا،امن و امان کے قیام، انسانی جانوں اور املاک کے تحفظ کیلئے دفعہ 144 نافذ کی گئی ،پابندی کا اطلاق دہشت گردی کے خطرات کے پیشِ نظر کیا گیا۔
نوٹیفکیشن کےمطابق سیکیورٹی خطرات کے پیش نظر کوئی بھی عوامی اجتماع دہشت گردوں کیلئے سافٹ ٹارگٹ ہو سکتا ہے،عوامی مفاد میں دفعہ 144 کا نفاذ صوبہ بھر میں کیا گیا ہے،پنجاب بھر میں انتظامیہ حکم نامے پر عملدرآمد یقینی بنائے گی۔
ترجمان محکمہ داخلہ پنجاب کےمطابق عوامی آگاہی کےلئےدفعہ144کےنفاذکی بڑےپیمانےپرتشہیرکی ہدایت ہے۔