اسرائیلی حملہ:حزب اللہ کے سربراہ حسن نصراللہ شہید

بیروت پراسرائیلی حملےمیں حزب اللہ کے سربراہ حسن نصراللہ شہید ہوگئے، حزب اللہ نے اپنے سربراہ کی شہادت کی تصدیق کردی۔
غیرملکی میڈیاکےمطابق ایک روزقبل اسرائیل نےلبنان کےشہربیروت میں حزب اللہ کےہیڈکوارٹرکونشانہ بنایاتھااور دعویٰ کیا تھا کہ لبنانی حریت پسند تحریک حزب اللہ کے سربراہ حسن نصراللہ شہید ہوگئے۔
حزب اللہ نےکہاتھاکہ سربراہ سےرابطہ نہیں ہورہافوری طورپراُن کی شہادت کی تصدیق نہیں کی تھی۔تاہم اب کچھ دیر قبل حزب اللہ نے اپنے لیڈر کی شہادت کی تصدیق کردی ہے۔
ایرانی سپریم لیڈر آیت اللہ خامنہ بھی نامعلوم محفوظ مقام پر منتقل ہوگئے اور انہوں نے نیشنل سیکیورٹی کونسل کا ہنگامی اجلاس طلب کرلیا۔
خبر ایجنسی کے مطابق اسرائیل کے خلاف برسرپیکار اسلامی مزاحمتی تحریک حزب اللہ نے اسرائیل کے خلاف جنگ جاری رکھنے کا اعلان کیا ہے اور کہا ہے حسن نصراللہ کی جگہ قیادت نئے رہنما کے سپرد کی جارہی ہے تاہم ابھی انہوں نے نئے سربراہ کا نام ظاہر نہیں کیا۔