پی ٹی آئی کااحتجاج:راولپنڈی میں مختلف مقامات پرٹریفک بند

تحریک انصاف نےملک بھرمیں احتجاج کی کال دےرکھی جس کےباعث راولپنڈی شہرکےمختلف راستوں  کوحکومت کی جانب سےٹریفک کے لئے بند کردیا گیاہے۔جبکہ جڑواں شہروں راولپنڈی اسلام آباد میں میڑو بس سروس آپریشن پانچویں روز بھی بند ہے۔
آئینی ترمیم کےخلاف تحریک انصاف نےآج ملک گیراحتجاج کی کال دےرکھی جس کےباعث حکومت  نےانتظامات کرتےہوئےصوبہ پنجاب میں دفعہ 144نافذکی ہےاورتمام سرکاری ونجی تعلیمی اداروں  کوبندکرنےکانوٹیفکیشن جاری کردیاہے۔
راولپنڈی شہرکےمختلف علاقوں کوتحریک انصاف کےاحتجاج کےباعث رکاوٹیں لگاکربندکردیاگیاہے،مریڑھ چوک اور لیاقت باغ کی جانب جانے والے راستے بند ہیں جبکہ سواں پل پر سنگل لائن ٹریفک کو آنے اور جانے دیا جا رہا ہے۔ شہر کے دیگر تمام راستے معمول کے مطابق کھلے ہیں۔
دوسری جانب پشاور روڈ پر چیئرنگ کراس کے قریب اور نال روڈ پر ایم ایچ کے قریب سڑک کے دونوں جانب رکاوٹیں کھڑی کر دی گئیں، شاہراؤں پر ایک لائن ٹریفک گزرنے کے لیے فی الحال کھلی رکھی گئی ہے۔
راولپنڈی کے داخلی راستوں پر بھی زیگ زیگ پکٹس قائم کرکے پولیس نفری تعینات کر دی گئی۔جڑواں شہروں راولپنڈی اسلام آباد میں میڑو بس سروس آپریشن پانچویں روز بھی بند ہے۔
میٹروبس سروس شنگھائی تعاون تنظیم کےسربراہان اجلاس کےپیش نظر14سے16اکتوبرتک بندکی گئی تھی بعدازاں 17 اکتوبر کو بھی آپریشن بند رکھا گیا لیکن آج جمعے کو بھی بس سروس بند ہے۔