ملکی معیشت بہتری کی جانب گامزن ہے،وزیرخزانہ

وفاقی وزیرخزانہ محمداورنگزیب نےکہاہےکہ پاکستانی معیشت بہتری کی جانب گامزن ہے، ہم پائیدار معاشی استحکام کی جانب بہتر انداز میں بڑھ رہے ہیں۔
تقریب سے خطاب کرتے ہوئے وفاقی وزیرخزانہ محمد اورنگزیب کا کہنا تھا کہ معاشی بہتری کے ثمرات کی عام آدمی تک منتقلی یقینی بنائی جا رہی ہے، اصلاحات کے ایجنڈا پر عمل پیرا ہیں، معیشت میں نجی شعبے کا اہم کردار ہے۔پالیسی ریٹ میں مزید کمی کی گئی ہے، ترسیلات زر میں اضافہ اور روپیہ مستحکم ہوا ہے، مہنگائی میں بھی نمایاں کمی واقع ہوئی ہے۔
محمداورنگزیب کامزیدکہناتھاکہ پاکستانی معیشت بہتری کی جانب گامزن ہے، یہ تمام مثبت اشاریے حکومت کی مؤثر پالیسیوں کے ثمرات ہیں، ہم پائیدار معاشی استحکام کی جانب بہتر انداز میں بڑھ رہے ہیں، کرنٹ اکاؤنٹ خسارے میں کمی اور زرمبادلہ میں اضافہ ہو رہا ہے۔