پاکستان میں دہشتگردی کےواقعات کی رپورٹس سےآگاہ ہیں،حملوں کی مذمت کرتےہیں،امریکہ

ترجمان امریکی محکمہ خارجہ میتھیو ملر نےکہاہےکہ پاکستان میں دہشتگردی کے واقعات کی رپورٹس سےآگاہ ہیں اور ان دہشتگرد حملوں کے واقعات کی مذمت کرتے ہیں۔
غیرملکی میڈیاکےمطابق ترجمان امریکی محکمہ خارجہ میتھیو ملر کاہفتہ واربریفنگ کےدوران کہناتھاکہ پاکستانی عوام نے دہشتگردوں اور انتہا پسندوں کے ہاتھوں بہت نقصان اٹھایا، پاکستانی عوام کے خلاف سفاکانہ حملوں کا سلسلہ جاری ہے، ان حملوں میں جاں بحق افرادکے لواحقین اور متاثرین سے اظہار ہمدردی کرتے ہیں۔
میتھوملرکامزیدکہناتھاکہ پاکستانی عوام نے دہشتگردوں اور انتہا پسندوں کے ہاتھوں بہت نقصان اٹھایا۔ پاکستان میں دہشتگردی کےواقعات کی رپورٹس سےآگاہ ہیں اور ان دہشتگرد حملوں کے واقعات کی مذمت کرتے ہیں۔
اُن کاکہناتھاکہ د ہشتگردگروپوں کا پتا لگانے، ان کی روک تھام اور انہیں جواب دینےکی صلاحتیں پیدا کرنےکے مواقع کی نشاندہی کے لیے حکومتی رہنماؤں اورسول اداروں سے بات چیت کےلیے پرعزم ہیں۔
میتھیو ملر کا مزیدکہنا تھا کہ پاکستان کے ساتھ انسداد دہشتگردی پارٹنرشپ جاری ہے، اس قسم کےخطرات کاپتا لگانے اور ان سے نمٹنےکے لیے فوجی اور سویلین صلاحیتیں بڑھانے پر مشاورت اور اعلیٰ سطح کا ڈائیلاگ اس میں شامل ہے۔