سردی کی جاری لہرمیں کمی کاامکان،محکمہ موسمیات کی اہم پیشگوئی

ملک بھر میں سردی کی جاری لہر میں کمی کا امکان، محکمہ موسمیات نے اہم پیشگوئی کردی۔
محکمہ موسمیات کے مطابق ملک کے بیشتر علاقوں میں سردی کی جاری لہر میں کچھ کمی کا امکان ہے۔ آج بعض مقامات پر ہلکی دُھند چھائے رہنے اور ہلکی بارش ہونے کیساتھ پہاڑوں پر برفباری کی توقع ہے۔
محکمہ موسمیات کے مطابق گزشتہ 24 گھنٹوں کے دوران ملک میں سب سے کم درجہ حرارت اسکردو اور استور میں منفی 11 ڈگری سینٹی گریڈ ریکارڈ کیا گیا۔
اس کے علاوہ گلگت ، قلات میں منفی 5، کوئٹہ منفی 2 ، اسلام آباد ایک، پشاور، مظفر آباد2 ، ملتان، بہاولپور، سکھر اور بنوں 5 سینٹی گریڈ ریکارڈ کیا گیا۔
محکمہ موسمیات کے مطابق لاہور ، نوابشاہ ، جموں میں 7 اور کراچی میں پارہ 12 ڈگری سینٹی گریڈ رہا۔