ملک بھر میں کڑاکے کی سردی،پہاڑوں پرمزید برفباری کی پیشگوئی

محکمہ موسمیات نےملک بھر میں کڑاکے کی سردی اورپہاڑوں پرمزید برفباری کی پیشگوئی کردی۔
محکمہ موسمیات کا کہنا ہے کہ شہر قائد کراچی میں بھی کڑاکے کی سردی پڑرہی ہے،جبکہ میدانی علاقوں میں صبح سویرے اور رات کے اوقات میں دھند چھائی رہے گی۔
محکمہ موسمیات کےمطابق ملک کےبیشترعلاقوں میں موسم سرداورخشک اورپہاڑی علاقوں میں شدید سردرہنےکاامکان ہے جبکہ صبح اوررات میں پنجاب کےمیدانی اضلاع میں درمیانی سےشدید دھند رہنے کی توقع ہے۔مشرقی پنجاب، کشمیر، مری،گلیات اورگردونواح میں بارش اورپہاڑوں پرہلکی برفباری متوقع ہے۔
موسم کاحال بتانےوالوں کاکہناہےکہ اسلام آباد گردونواح میں موسم سرداورمطلع ابرآلودرہنےکی توقع ہے،خیبرپختونخواکےبیشتراضلاع میں موسم سرداورمطلع جزوی ابرآلودرہنےکاامکان ہے، خیبرپختونخوا کےپہاڑی علاقوں میں موسم شدیدسردرہےگا،بنوں،لکی مروت،ڈی آئی خان اورگر دونواح میں چندمقامات پرہلکی دھندکی توقع ہے۔
محکمہ موسمیات کےمطابق لاہور،شیخوپورہ،قصور،اوکاڑہ،ساہیوال،سیالکوٹ ،نارووال اورگوجرانوالہ میں بارش متوقع ہے۔رحیم یارخان،خان پور،بہاولنگر،بہاولپور،پاکپتن،خانیوال واطراف میں بارش کاامکان ہے، پنجاب کےدیگراضلاع میں موسم سرداورمطلع جزوی ابرآلودرہنےکاامکان ہے۔