پنجاب میں دھندکاراج برقرار،موٹرویزبند،فلائٹ شیڈول متاثر ،ریلوے کا پہیہ رک گیا

پنجاب کےمختلف شہروں  میں دھندکاراج برقرار،حدنگاہ میں کمی کےباعث موٹرویزپرٹریفک معطل ،فلائٹ شیڈول متاثرہونےاورریلوےکاپہیہ رک جانےسےمسافروں کومشکلات کاسامنا۔
ترجمان موٹروےپولیس سیدعمران احمدکےمطابق موٹروےایم2ٹھوکرنیازبیگ سےکوٹ مومن تک دھند کےباعث بند،موٹروےایم3پرفیض پورسےدرخانہ تک دھندکےباعث حدنگاہ  کم ہونےکی وجہ سے ٹریفک معطل رہی جبکہ موٹروےایم3 پرسمندری سےدرخانہ تک شدیددھندکی وجہ سےٹریفک کانظام معطل رہا۔
ترجمان موٹروےپولیس کاکہناہےکہ موٹروےایم4پرگوجرہ سےملتان تک دھندکی وجہ سےگاڑیوں کاداخلہ بندجبکہ موٹروےایم پر5ملتان سےروہڑی تک دھندکی وجہ سےٹریفک معطل رہی ،قومی شاہراہ پرٹھوکر ،پتوکی،اوکاڑہ اورساہیوال تک شدیددھندکےباعث ٹریفک کانظام معطل رہا۔
ترجمان موٹروےپولیس کاکہناہےکہ بعدازاں حدنگاہ میں بہتری پرموٹرویز کو ٹریفک کےلئےکھول دیاگیا۔
ترجمان موٹروے پولیس کاکہناہےکہ آئی جی موٹروےراجہ رفعت مختار کی ہدایات پر موٹروے پولیس کی لین وائلیشن کے خلاف مہم جاری ہے ،دھند میں لین کی خلاف ورزی حادثات کا سبب بن سکتی ہے،روڈ یوزرز دھند میں لین ڈسپلن کو یقینی بنائیں۔
سیدعمران احمدکامزیدکہناہےکہ موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے، شہری زیادہ سے زیادہ دن کے اوقات پر سفر کرنے کو ترجیح دیں، صبح 10 سے شام 6 بجے تک دھند کے موسم میں بہترین سفری اوقات ہیں، ڈرائیور حضرات آگے اور پیچھےدھند والی لائٹس کا استعمال کر یں ۔
ترجمان موٹروےپولیس کاکہناہےکہ عوام غیر ضروری سفر سے گریز کریں، تیز رفتاری سے پرہیز کر یں اور اگلی گاڑی سے مناسب فاصلہ رکھیں، معلومات اور مدد کے لیے ہیلپ لائن 130 سے رابطہ کریں۔
اُدھرشدیددھندکےباعث علامہ اقبال انٹرنیشنل ایئرپورٹ پرفلائٹ آپریشن معطل رہا،جس کےباعث مسافروں کوشدیدمشکلات کاسامناکرناپڑادوسری جانب حدنگاہ میں کمی کےباعث ٹرینوں کانظام بُری طرح متاثر ہوا شدیددھند کےباعث ریلوے کا پہیہ بھی رک گیا۔