چین اورپاکستان کے درمیان پہلی بار کارگو پروازوں کا آغاز

اسلام آباد انٹرنیشنل ایئرپورٹ پر اہم سنگ میل عبور ، چین اورپاکستان کے درمیان پہلی بار کارگو پروازوں کا آغاز ہو گیا۔ارومچی سے ایس ایف کی پہلی کارگو پرواز 25 ٹن سے زائد سامان لیکر اسلام آباد ایئرپورٹ پر پہنچ گئی۔ چائنہ کی جانب سے پہلی بار اسلام آباد کیلئے کارگو پروازوں کا آغاز کردیا گیا۔
ذرائع کے مطابق ارومچی سے ایس ایف کی پہلی کارگو پرواز 25 ٹن سے زائد سامان لے کر اسلام آباد ایئرپورٹ پر پہنچ گئی، چیف آپریٹنگ آفیسر اور ایئرپورٹ منیجر آفتاب گیلانی نے چائنیز وفد کا خیرمقدم کیا۔
چیف آپریٹنگ آفیسر اسلام آباد ایئرپورٹ اور ایئرپورٹ منیجر آفتاب گیلانی کا کہنا ہے کہ ہفتہ وار 2 کارگو پروازیں آپریٹ ہوں گی، جس میں مزید اضافہ بھی ہوگاپاکستان اور چین کے درمیان کارگو پروازوں کا آغاز فضائی شعبے میں اہم پیشرفت ہے۔
پاکستان اور چائنہ کے دیرینہ تعلقات ہیں، کارگو سروس کے آغاز سے دونوں ممالک کے درمیان تجارت کو فروغ حاصل ہوگا، کارگو پروازوں کے آغاز سے کارگو تھروپٹ چارجز میں اضافے کے ساتھ پاکستان ایئرپورٹ اتھارٹی کے ریونیو میں بھی خاطر خواہ اضافہ ہوگا۔