مائیکرو سافٹ کا ونڈوز 11 کے صارفین کیلئے نیا اور کارآمد فیچر متعارف

مائیکرو سافٹ نے ونڈوز 11 کے صارفین کیلئے نیا اور کارآمد فیچر متعارف کروا دیا۔ونڈوز 11 میں اب کسی بھی تصویر میں موجود ٹیکسٹ کو کاپی کرنا بہت آسان ہوگیا۔
مائیکرو سافٹ نے ونڈوز 11 کے صارفین کیلئے سکرین پر موجود تصاویر یا کسی بھی مواد سے ٹیکسٹ کو کاپی کرنا بہت آسان بنا دیا ہے۔ونڈوز 11 میں پہلے سے Optical Character Recognition (او سی آر) کا فیچر موجود ہے، مگر اس کیلئے ضروری ہے کہ آپ پہلے سنیپنگ ٹول سے سکرین شاٹ لیں ،جس کے بعد تصویر سے ٹیکسٹ کو کاپی کیا جاسکتا ہے، تاہم اب مائیکرو سافٹ نے سنیپنگ ٹول میں ایک نئی اپ ڈیٹ جاری کی ہے، جس کے بعد ٹیکسٹ کو کاپی کرنے کیلئے سکرین شاٹ لینے کی ضرورت نہیں ۔
ابھی یہ فیچر آزمائشی مراحل سے گزر رہا ہے۔اس نئے فیچر کے بعداب اس ٹول میں بار کے اندر ٹیکسٹ ایکسٹریکٹر آپشن بھی موجود ہوگا ،جس پر کلک کرکے صارفین کسی بھی تصویر یا مواد سے ٹیکسٹ کو کاپی کرسکیں گے۔یہ فیچر ابھی مائیکرو سافٹ کے پاور ٹوائز سیوٹ آف ٹولز میں موجود ہے، جو ایڈوانس ونڈوز صارفین کو دستیاب ہوتا ہے۔مائیکرو سافٹ کی جانب سے اس فیچر کو بتدریج ونڈوز 11 کے صارفین کیلئے متعارف کروایا جائے گا ،جو کچھ عرصے میں تمام صارفین کو دستیاب ہوگا۔