ٹیکنالوجی کی دنیامیں انقلاب، چین کا ہائپرسونک جہاز، دنیا کی رفتار بدلنے کو تیار

ہائپرسونک میزائل کے بعد چین کا ہائپرسونک جہاز، دنیا کی رفتار بدلنے کو تیار، چین نے ایک اور بڑی ٹیکنالوجی کامیابی حاصل کر لی ہے۔
ہائپرسونک میزائل کے بعد اب ہائپرسونک مسافر طیارے کی تیاری، جس سے دنیا کے ایک کونے سے دوسرے کونے تک کا سفر صرف 7 گھنٹے میں ممکن ہو جائے گا۔
بیجنگ سے پیرس کا سفر محض ایک گھنٹے میں اور لندن سے نیویارک کا سفر ڈیڑھ سے دو گھنٹوں میں طے ہوگا۔یہ طیارہ میک 4 رفتار یعنی آواز کی رفتار سے چار گنا زیادہ تیزی سے پرواز کرے گا، جو کہ 3069 میل فی گھنٹہ یا تقریباً 5000 کلومیٹر فی گھنٹہ بنتی ہے۔
چینی اسپیس ٹرانسپورٹیشن کمپنی نے’’یونکسنگ پروٹائپ‘‘ طیارے کا کامیاب تجربہ کر لیا ہے۔
کمپنی کے مطابق 2027 تک کمرشل پروازیں شروع کرنے کا ہدف مقرر ہے۔دفاعی، معاشی اور سائنسی میدان میں چین کی پیش رفت نے امریکا اور روس کو بھی چوکنا کر دیا ہے۔اب صرف ہائپرسونک جنگی مقابلہ نہیں، بلکہ ہائپرسونک معیشت کی دوڑ بھی تیز ہو چکی ہے۔
رپورٹس کے مطابق امریکا کی کمپنیاں اور یہاں تک کہ ایلون مسک بھی، اس میدان میں دلچسپی رکھتے ہیں، مگر اس وقت چین اس دوڑ میں سب سے آگے نظر آتا ہے۔