پاکستانی سپر سٹار جوڑی ماہرہ اور فواد خان کی نئی فلم کا آفیشل ٹیزر ریلیز

پاکستانی سپر سٹار جوڑی ماہرہ اور فواد خان کی نئی فلم کاآفیشل ٹیزر ریلیز کردیاگیا۔
پاکستان فلم اور ڈراما انڈسٹری کی مقبول جوڑی ماہرہ خان اور فواد خان ایک بار پھر بڑی سکرین پر جلوہ گرہونےکوتیار،دونوں کی نئی رومانوی فلم ’’نیلوفر‘‘ کا ٹریلر ریلیز کر دیا گیا ۔
ہدایتکار اور مصنف عمار رسول کی یہ فلم 28 نومبر 2025 کو ملک بھر کے سنیما گھروں میں نمائش کیلئے پیش کی جائے گی ۔
یوٹیوب پر ریلیز کیے جانے والے اس 1 منٹ 38 سیکنڈ کے ٹریلر میں محبت، قربت اور جذبات کی گہرائی کو خوبصورت انداز میں پیش کیا گیا ہے۔ فلم کی کہانی دو کرداروں کے درمیان محبت کے تعلق اور زندگی کے بدلتے رنگوں کے گرد گھومتی ہے۔
فلم کےمرکزی کرداروں میں معروف اداکارفوادخان اور ماہرہ خان شامل ہیں،ان کےعلاوہ بہروز سبزواری، فیصل قریشی،گوہررشید،مدیحہ امام، ثروت گیلانی، عتیقہ اوڈھو، سمیعہ ممتاز، سیمی راحیل، عدیل ہاشمی، حرا ترین اور نوید شہزاد جیسے نامور فنکار شامل ہیں جو مختلف کرداروں میں دکھائی دیں گے۔
ٹریلر کے ریلیز ہوتےہی دھوم مچ گئی جبکہ مداحوں کو اس فلم کی ریلیز کا انتظار ہیں۔ مداح ماہرہ اور فواد کی اس نئی آن اسکرین کیمسٹری کے دیکھنے کیلئے بےقرار ہیں۔