بھارتی گلوکارکینیڈامیں قاتلانہ حملےمیں زخمی،روہت گودرا گروپ نے ذمہ داری قبول کرلی

بھارتی پنجابی گلوکارکینیڈامیں قاتلانہ حملےمیں زخمی،روہت گودرا گروپ نے ذمہ داری قبول کرلی۔
بھارتی میڈیا رپورٹ کےمطابق کینیڈامیں بھارتی پنجابی گلوکار تیجی کالون پر فائرنگ کی گئی جس سےوہ زخمی ہوگئے واقعہ کےفوری بعدگلوکارکوہسپتال منتقل کیاگیا،جہاں ڈاکٹروں نےاُن کوگولی لگنےکی تصدیق کی ہے۔
بھارتی میڈیاکےمطابق تیجی کالون پرفائرنگ کی ذمہ داری بھارتی گینگسٹر روہت گودرا کے گروپ نے قبول کی ہے۔
بھارتی میڈیا رپورٹ میں بتایا گیا کہ سوشل میڈیا پر شائع کیے گئے ایک پیغام میں ملزمان نے الزام لگایا کہ گلوکار مخالف گروہوں کو ہتھیار اور رقم فراہم کرتا رہا ہے اور ان کا مخبربھی ہے۔
ملزمان نے پیغام میں کہا کہ ہم نے کینیڈا میں تیجی پر فائرنگ کی، اسے پیٹ میں گولی لگی ہے، اگر وہ سمجھ گیا تو ٹھیک، ورنہ اگلی دفعہ ہم اسے ختم کر دیں گے۔
کینیڈین حکام نے واقعے کی تحقیقات شروع کردی ہے اور مقامی پولیس سی سی ٹی وی فوٹیج، شواہد اور عینی شاہدین کے بیانات اکٹھے کر رہی ہے۔