دنیا بھر میں موسمیاتی تبدیلیوں سے اموات کی تعداد میں اضافہ، رپورٹ

موسمیاتی تبدیلیوں کی رفتار میں اضافے کے باعث دنیا بھر میں فضائی آلودگی اور حرارت سے اموات کی تعداد بڑھ گئی ۔
دی لانیسٹ کاؤنٹ ڈاؤن آن ہیلتھ اینڈ کلائیمٹ چینج میں شائع ایک رپورٹ کے مطابق 1990 کی دہائی سے اب تک گرم موسم سے ہونیوالی اموات کی تعداد 23 فیصد اضافہ ہوا ہے۔اب ہر سال اوسطاً 5 لاکھ 46 ہزار افراد گرم موسم کے باعث ہلاک ہو رہے ہیں۔
اسی طرح صرف 2024 میں ریکارڈ ایک لاکھ 54 ہزار ہلاکتیں جنگلات میں لگنے والی آگ سے پھیلنے والی فضائی آلودگی کے باعث ہوئیں۔
محققین کے مطابق خام ایندھن جیسے پٹرول اور کوئلے کو جلانے سے پیدا ہونیوالی فضائی آلودگی سے ہر سال 25 لاکھ اموات ہوتی ہیں۔