ترکیہ نےپاکستانیوں کیلئےنئی ویزاپالیسی کااعلان کردیا

ترکیہ جانیوالے پاکستانی سیاحوں کیلئے خوشخبری،ترکیہ حکومت نےپاکستانیوں کےلئےنئی ویزاپالیسی کااعلان کردیا۔
پاکستانی سیاحوں کو ترکیہ جانے کیلئے سب سے پہلے کیا کرنا ہو گا؟ وزٹ ویزا کی فیس کتنی ہے اور درخواست کہاں جمع کروانی ہو گی؟تمام تفصیلات منظر عام پر آ گئیں۔
پاکستان سے ترکیہ کا سفر کرنیوالے سیاحوں کی تعداد میں بتدریج اضافہ ہورہا ہے، کیونکہ مغربی ایشیائی ملک تاریخی مقامات، ریزورٹس اور مختلف تفریحی مقامات کا حسین امتزاج پیش کرتا ہے۔پاکستانی پاسپورٹ رکھنے والے شہریوں کو ترکیہ کا سفر کرنے سے پہلے وزٹ ویزا کیلئے درخواست دینا لازمی ہے۔پاکستان میں درخواست دہندگان کو ترکی کے وزٹ ویزا کیلئے اناطولیہ ویزا ایپلیکیشن سینٹرز میں درخواست جمع کروانے کی ضرورت ہے۔
درخواست دہندگان کو ویزا کیلئے درخواست دیتے وقت تمام متعلقہ دستاویزات بشمول بینک سٹیٹمنٹ، ہیلتھ انشورنس، تصاویر، فنگر پرنٹس، ٹکٹ کی تفصیلات، ہوٹل کی بکنگ اور دیگر جمع کروانے کی بھی ضرورت ہوگی۔
سٹیٹ بینک آف پاکستان کی طرف سے اعلان کردہ شرح تبادلہ کے مطابق پاکستانی شہریوں کو ویزا فیس صرف پاکستانی روپے میں نقد ادا کرنا ہوگی۔سفارت خانے کی فیس کے علاوہ اناطولیہ ویزا ایپلیکیشن سینٹر خدمات کی فیس وصول کرتا ہے، جو اس بات پر منحصر ہے کہ سیاح نے ویزا کی درخواست کیلئے کس زمرے کا انتخاب کیا ہے۔