گوگل نے سکیورٹی ٹول کے نام پر جعلی وی پی این سے خبردار کردیا

گوگل صارفین کیلئے اہم خبر،گوگل نے سیکورٹی ٹول کے نام پر جعلی وی پی این سے خبردار کردیا۔
گوگل نے حال ہی میں ایک انتباہ جاری کیا ہے کہ سیکورٹی ٹولز کے نام سے جعلی وی پی این ایپس انتہائی خطرہ بن سکتی ہیں۔ گوگل کی تازہ ترین ایڈوائزری میں بتایا گیا ہے کہ سائبر مجرم ایسی ایپس تیار کر رہے ہیں، جو بظاہر معتبر وی پی این سروسز یا سیکورٹی ٹولز کی طرح دکھائی دیتی ہیں، مگر درحقیقت ریموٹ ایکسس ٹروجنز یا بینکنگ ٹروجنز کا ذریعہ بن سکتی ہیں۔ ایسی ایپس کے اندر غلط اجازتیں دی گئی ہوتی ہیں یا ایسی ایپس عام وی پی این کی ذمہ داریاں نبھا تو رہی ہوتی ہیں، لیکن اس کے باوجود وہ صارف کی اضافی حساس معلومات تک رسائی حاصل کررہی ہوتی ہیں، جیسے آپ کی براؤزنگ ہسٹری، ذاتی پیغامات، کریپٹو والٹ ڈِیٹیلز وغیرہ شامل ہیں۔
گوگل نے نشاندہی کی ہے کہ یہ خطرہ صرف غیرمستند ایپ سٹورز تک محدود نہیں، بلکہ آفیشل سٹورز پر بھی ایسے جعلی وی پی اینز آ سکتے ہیں۔
گوگل کا کہنا ہے کہ صرف سرکاری اور معتبر سٹورز سے وی پی این ایپ ڈاؤن لوڈ کریں۔ گوگل نے اس حوالے سے ایک خاصVPN Verified بیج متعارف کروایا ہے، جو ایک قسم کی اعتماد بحالی ہے۔