ضمنی انتخابات:ن لیگ نےمیدان مارلیا،قومی وصوبا ئی اسمبلی کی 13میں سے 12 سیٹوں پرکامیاب

ضمنی انتخابات میں ن لیگ نےمیدان مارلیا،قومی اسمبلی کی تمام 6نشستوں پر کامیاب جبکہ صوبائی اسمبلی کی 7میں سے6سیٹیں حکمران جماعت نےسمیٹ لیں،اورایک سیٹ پیپلزپارٹی کےحصےمیں آئی۔
غیرحتمی غیرسرکاری نتائج کےمطابق ضمنی انتخابات میں حکمران جماعت مزیدمضبوط ہوگئی،قومی اورصوبائی اسمبلی کی13نشستوں میں سےبارہ سیٹیں ن لیگ جیت گئی۔
قومی اسمبلی کے حلقوں کے مکمل نتائج:
این اے 129 لاہور:
لاہورکےحلقہ 129میں ن لیگ کی جانب سے حافظ نعمان اورتحریک انصاف کےحمایت یافتہ آزادامیدوار ارسلان احمدمدمقابل تھے۔غیرحتمی غیر سرکاری نتائج کےمطابق حافظ میاں محمد نعمان 63 ہزار 441 ووٹ لےکرکامیاب ہوئےجبکہ پی ٹی آئی کے حمایت یافتہ آزاد امیدوار ارسلان احمد 29 ہزار 99 ووٹ لےکر دوسرے نمبر پر رہے۔
یہ سیٹ تحریک انصاف کےممبرقومی اسمبلی میاں اظہرکےانتقال پرخالی ہوئی تھی۔
این اے 104 فیصل آباد:
غیرحتمی غیرسرکاری نتائج کےمطابق قومی اسمبلی کےحلقہ این اے104فیصل آباد10پربھی ن لیگ نےمیدان مارلیا، ن لیگ کے دانیال احمد نے52 ہزار 791 ووٹ لےکرسیٹ اپنےنام کی،انہوں نےکافی لیڈسےفتح حاصل کی، جبکہ آزادامیدوارراناعدنان جاویدصرف 19 ہزار 262 ووٹ لیکر دوسرے نمبر پر رہے۔
این اے 96 فیصل آباد:
قومی اسمبلی کےحلقہ این اے 96 فیصل آباد کے تمام 345 پولنگ اسٹیشنز کے نتائج آگئے، غیر حتمی غیر سرکاری نتائج کے مطابق ن لیگ کے بلال بدر چودھری سب سے زیادہ 93 ہزار9 ووٹ حاصل کرنے میں کامیاب رہے ، بلال بدر چودھری وزیرمملکت طلال چودھری کےبھائی ہیں۔
این اے 18 ہری پور:
قومی اسمبلی کےحلقہ این اے18میں بڑا اپ سیٹ ہوا،غیر حتمی غیر سرکاری نتائج کے مطابق مسلم لیگ ن کے بابر نواز خان ایک لاکھ 63 ہزار 996 ووٹ لے کر کامیاب ہوئے جبکہ شہرناز عمر ایوب ایک لاکھ بیس ہزار 220 ووٹ حاصل کر سکیں۔
شہرناز عمر ایوب سابق قائد حزب اختلاف عمر ایوب خان کی اہلیہ ہیں، عمرایوب کو9مئی کیس میں نااہل کیاگیاتھاجس کےنتیجےمیں یہ سیٹ خالی ہوئی تھی۔
این اے 185 ڈیرہ غازی خان:
حلقہ این اے 185 ڈیرہ غازی خان 2 میں بھی ن لیگ نے میدان مار لیا، غیر حتمی غیر سرکاری نتائج کے مطابق ن لیگ کے محمود قادر خان 82 ہزار 416 ووٹ حاصل کرنے میں کامیاب ہوئے جبکہ پیپلز پارٹی کے دوست محمد کھوسہ 49 ہزار 262 ووٹ لےکر دوسرے نمبر پر رہے۔
یہ نشست تحریک انصاف کی زرتاج  گل کےنااہل ہونےپرخالی ہوئی تھی۔
این اے 143 ساہیوال:
قومی اسمبلی کے حلقہ این اے 143 ساہیوال 3 کے غیر حتمی غیر سرکاری نتیجے کے مطابق مسلم ليگ ن کے محمد طفیل جٹ ایک لاکھ 36 ہزار 223 ووٹ لے کر کامیاب ہوگئے۔ آزاد امیدوار ضرار اکبر چودھری صرف 13 ہزار 220 ووٹ لےکر دوسرے نمبر پر رہے۔
حلقہ این اے 143 کی یہ نشست پی ٹی آئی کے حسن نواز کی نااہلی سے خالی ہوئی تھی۔
صوبائی اسمبلی کے حلقوں کے مکمل نتائج:
پی پی 116 فیصل آباد:
پی پی116فیصل آباد19میں غیرحتمی غیرسرکاری نتائج کےمطابق ن لیگ کے احمد شہریار نے48 ہزار 824ووٹ لے کرمیدان مارلیا۔ جبکہ آزاد امیدوار ملک اصغر علی قیصر 11 ہزار 429 ووٹ لیکر دوسرے نمبر پر رہے۔
یہ نشست پی ٹی آئی کے اسماعیل سیلا کی نااہلی سے خالی ہوئی تھی۔جس پروزیراعظم کےمشیرراناثنااللہ کےدامادکامیاب ہوئےہیں۔
پی پی 115 فیصل آباد:
پنجاب اسمبلی کے حلقہ پی پی 115 فیصل آباد 18 کے غیر حتمی غیر سرکاری نتائج کے مطابق ن لیگ کے محمد طاہر پرویز کو 49 ہزار 49 ووٹ ملے جبکہ آزاد امیدوار محمد اصغر صرف 18 ہزار 98 ووٹ ہی حاصل کرسکے۔
پی پی 98 فیصل آباد:
پنجاب اسمبلی کے حلقہ پی پی 98 فیصل آباد1 میں ن لیگ کے آزاد علی تبسم نے 44 ہزار 388 ووٹوں کے ساتھ کامیابی سمیٹ لی جبکہ ان کے مخالف آزاد امیدوار محمد اجمل 35 ہزار 245 ووٹ لیکر دوسرے نمبر پر رہے۔
پی پی87 میانوالی:
پی پی87سےبھی مسلم لیگ (ن) کےامیدوارکی کامیابی منظرعام پرآئی ہے،غیرحتمی غیرسرکاری نتائج کےمطابق ن لیگ کے امیدوار علی حیدر نور خان نیازی 67 ہزار 986 ووٹ لے کر کامیاب ہوئے، جبکہ آزاد امیدوار محمد ایاز خان نیازی 3ہزار 310 ووٹ لیکر دوسرے نمبر پر رہے۔
یہ نشست پنجاب اسمبلی میں تحریک انصاف کےسابق قائدحزب اختلاف ملک احمد خان بھچر کی نااہلی پرخالی ہوئی تھی۔
پی پی 203 ساہیوال:
پنجاب اسمبلی کے حلقہ پی پی 203 ساہیوال 6 کے تمام 185 پولنگ اسٹیشنز کے غیر حتمی غیر سرکاری نتائج کے مطابق مسلم ليگ ن کے محمد حنیف 46 ہزار 900 ووٹ لے کر کامیاب ہوگئے جبکہ آزاد امیدوار فلک شیر 10 ہزار 895 ووٹ لےکر دوسرے نمبر پر رہے۔
پی پی 73 سرگودھا:
سرگودھا کے صوبائی حلقے پی پی 73 سے ن لیگ کےسلطان علی رانجھا 71 ہزار 770 ووٹ لے کر کامیاب ہوگئے جبکہ آزاد امیدوار مہر محسن رضا 12 ہزار 970 ووٹ لیکر دوسرے نمبر پر رہے۔
پی پی 269 مظفر گڑھ:
پنجاب اسمبلی کےحلقہ پی پی269مظفرگڑھ 2میں حکمران جماعت کوبڑادھچکا لگا،یہ نشست پیپلزپارٹی کےمیاں علمدار عباس قریشی نےجیت لی،غیرحتمی غیرسرکاری نتائج کےمطابق پیپلز پارٹی کےمیاں علمدار عباس قریشی 55 ہزار 611 ووٹ حاصل کرکےکامیاب ہوگئے۔