بارشیں اور برفباری، آغاز کب ہو گا؟محکمہ موسمیات کی پیشگوئی

ملک میں بارشیں اور برفباری، آغاز کب ہو گا؟محکمہ موسمیات نے پیشگوئی کر دی۔
محکمہ موسمیات کے مطابق آج اسلام آباد سمیت ملک کے بیشتر علاقوں میں موسم خشک اور سرد رہے گا، پہاڑی علاقوں میں صبح اور رات کے اوقات میں موسم شدید سرد رہے گا۔ مری، گلیات اور گرد و نواح میں موسم سرد اور خشک رہنے کا امکان ہے، پنجاب کے بیشتر اضلاع میں موسم سرد اور خشک رہنے کی توقع ہے۔
موسم کاحال بتانےوالوں کاکہناہےکہ سندھ کے بیشتر اضلاع میں موسم خشک، صبح اور رات میں سرد رہنے کا امکان ہے۔ بلوچستان اورخیبرپختونخوا کے بیشتر اضلاع میں آج موسم سرد اور خشک رہے گا۔ جبکہ آزاد کشمیر اور گلگت بلتستان میں موسم شدید سرد اور مطلع جزوی ابرآلود رہنے کا امکان ظاہر کیا گیا ہے۔
محکمہ موسمیات نے پانچ اور چھ دسمبر کو گلگت بلتستان، بالائی خیبر پختونحوا اور کشمیر میں تیز ہواؤں کے ساتھ چند مقامات پر بارش اور پہاڑوں پر برفباری کا امکان ظاہر کیا ہے۔