جو حکومت اقلیتوں کے تحفظ میں ناکام ہو، اسے اپنا کام سمیٹ کر گھر جانا چاہیے، مریم نواز

وزیراعلیٰ پنجاب مریم نوازنےکہاہےکہ ہم سب مسلمان، سکھ، مسیحی یا ہندو نہیں بلکہ پاکستانی ہیں، جو حکومت اقلیتوں کے تحفظ میں ناکام ہو، اسے اپنا کام سمیٹ کر گھر جانا چاہیے۔
لاہورمیں کرسمس کےحوالےسےتقریب کااہتمام کیاگیا،جس میں وزیراعلیٰ نےشرکت کی،اس موقع پرمریم نوازنےکہاکہ پنجاب میں کہیں بھی اگراقلیتوں کےلئے قبرستانوں کےمسائل ہیں تو انہیں فوری طور پر حل کیا جائے۔
وزیراعلیٰ نےموقع پرموجوداقلیتی رہنمارمیش سنگھ اروڑا کو ہدایت دیتے ہوئے کہاکہ اقلیتوں کے لیے درکار بجٹ کی تفصیلات بتائیں حکومت اسےفوری فراہم کرے گی۔
مریم نوازکاکہناتھاکہ پنجاب کے بجٹ میں اقلیتوں کا بھی اتنا ہی حق ہے جتنا دوسروں کا اور جو حکومت اقلیتوں کے تحفظ میں ناکام ہو، اسے اپنا کام سمیٹ کر گھر جانا چاہیے،وزیر اعلیٰ نے ستھرا پنجاب کے ورکرز کی جانب سے چرچز کی صفائی کے اقدامات کی تعریف کی اور کہا کہ یہ سلسلہ جاری ہے تاکہ صوبہ ہر شہری کیلئے محفوظ اور خوشگوار بنایا جا سکے تاہم پنجاب میں تمام مذاہب کی عبادت گاہوں کو صاف اور بہتر بنایا جا رہا ہے۔
اُن کامزیدکہناتھاکہ ہم سب مسلمان، سکھ، مسیحی یا ہندو نہیں بلکہ پاکستانی ہیں، حکومت مینارٹی کارڈ کی رقم کو 75 ہزار سے بڑھا کر ایک لاکھ روپے تک لے جانے کا ارادہ رکھتی ہے تاکہ اقلیتوں کی فلاح و بہبود کو مزید بہتر بنایا جا سکے۔پنجاب اقلیتوں کیلئے ایک بہتر جگہ ہے اور کسی کو بھی اجازت نہیں دی جائے گی کہ وہ اقلیتوں کے حقوق سے کھیلے۔
وزیراعلیٰ کاکہناتھاکہ ہمیں پوری دنیا کے سامنے پنجاب کو مثال بنانا ہے اور دکھانا ہے کہ صوبے کے تمام شہری سیسہ پلائی دیوار کی طرح متحد اور محفوظ ہیں، پنجاب نے واقعی اقلیتوں کو اپنا تاج اور دل کا حصہ بنایا ہے۔