اداکارسلطان راہی کو مداحوں سے بچھڑے30 برس بیت گئے

مولا جٹ سمیت سینکڑوں فلموں میں اداکاری کے جوہر دکھانے والے سلطان راہی کو مداحوں سے بچھڑے 30 برس بیت گئے ۔
1938کوبھارت کےشہرسہارن پور میں پیداہونےوالے سلطان محمد المعروف سلطان راہی قیام پاکستان کے بعداپنے خاندان کے ہمراہ ہجرت کرکے پاکستان آگئے۔
سلطان راہی نے اپنے فنی سفر کا آغاز فلم ’’باغی‘‘ سے کیا۔ 70 کی دہائی میں بشیرا اور مولا جٹ جیسی فلموں کی کامیابی نے سلطان راہی کو بام عروج پر پہنچا دیا۔ ایک وقت ایسا بھی آیا جب سلطان راہی پاکستان فلم انڈسٹری کے واحد ہیرو تھے اور یہ دور کئی سال تک جاری رہا۔
پاکستان فلم انڈسٹری کے مقبول ترین اداکار سلطان راہی کا نام ایک زمانے میں پنجابی فلموں کی کامیابی کی ضمانت سمجھا جاتا تھا۔ سالا صاحب،چن جٹ،شیر خاں،شعلے،جرنیل سنگھ،شیراں دے پتر،میڈم را،چن وریام سمیت 700 سے زائد فلموں میں لازوال کردار ادا کئے اورانہوں نے 150 سے زائد اعلیٰ فلمی ایوارڈز حاصل کئے۔
اپنےفن سےلوگوں کےدلوں پرر اج کرنےوالےسٹاراداکارسلطان راہی 9جنوری1996کوراولپنڈی سے لاہورآرہےتھےکہ راستےمیں گوجرانوالہ کے قریب نامعلوم افراد کی گولی کا نشانہ بن کر جہان فانی سے کوچ کر گئے۔