ایپل کے پرانے ماڈلز بند : آئی فون 16e اپ گریڈ ہو گا

آئی فون صارفین کیلئے اہم خبر،ایپل نے پرانے آئی فون ماڈلز بند کر دیے۔ آئی فون 16e میں اپ گریڈ کا راستہ کھل گیا۔ایپل نے آئی فون 14، 14 پلس اور آئی فون SEتھرڈ جنریشن کی پیداوار اور فروخت بند کر دی ہے۔
یہ فیصلہ نئے آئی فون 16e کے اعلان کے بعد کیا گیا ہے، جس سے صارفین کیلئے پرانے ماڈلز کی جگہ جدید فون خریدنے کا راستہ کھل گیا ہے۔
رپورٹ کے مطابق آئی فون 14 اور 14 پلس اب ایپل کی ویب سائٹ یا سٹورز سے نیا نہیں خریدا جا سکتا، تاہم محدود سٹاک تھرڈ پارٹی ریٹیلرز یا کیریئرز کے ذریعے دستیاب رہ سکتا ہے۔ آئی فون سکسٹین ای6.1 انچ ڈسپلے، A18 چپ، فیس آئی ڈی اور USB-C کی سہولت کے ساتھ نئے SE اور 14 پلس کی جگہ لے گا، تاہم ایپل کمپنی نے واضح کیا ہے کہ پرانے ماڈلز کیلئے iOS اپ ڈیٹس اور سکیورٹی سپورٹ 2029-2030 تک جاری رہے گی، یعنی موجودہ صارفین کے فون مکمل طور پر کام کرتے رہیں گے، جبکہ نئے خریدار اب 16e یا دیگر نئے ماڈلز کی جانب رجوع کر سکتے ہیں۔
اس اقدام کا مقصد ایپل کے ماڈلز کو لائن اپ کرنا، یورپی یونین کے USB-C قوانین کی پابندی اور نئے بجٹ آئی فون 16e کی فروخت میں اضافہ ہے۔اپیل کے صارفین کیلئے اہم بات یہ ہے کہ موجودہ سٹاک ختم ہونے تک صارفین کو ڈسکاؤنٹ پر خریداری کے مواقع بھی مل سکتے ہیں۔