عاشورہ محرم الحرام: وفاقی حکومت نے 25 اور 26 جون کو سرکاری تعطیلات کا اعلان کر دیا

وفاقی حکومت نے عاشورہ محرم الحرام کے موقع پر 25 اور 26 جون کو سرکاری تعطیلات کا اعلان کر دیا ہے۔

تفصیلات کے مطابق کابینہ ڈویژن کی جانب سے جاری نوٹیفکیشن میں کہا گیا ہے کہ 25 اور 26 جون کو ملک بھر میں سرکاری چھٹیاں ہوں گی تاکہ یوم عاشورہ کے مذہبی اجتماعات اور دیگر سرگرمیوں کے دوران عوام کو سہولت فراہم کی جا سکے۔

اس سے قبل سندھ حکومت بھی یوم عاشورہ کے موقع پر دو روزہ سرکاری تعطیلات کا اعلان کر چکی ہے۔

دوسری جانب محرم الحرام کے جلوسوں اور مجالس کے لیے سیکیورٹی انتظامات کو حتمی شکل دے دی گئی ہے۔ صوبے بھر میں امن و امان برقرار رکھنے کے لیے سخت حفاظتی اقدامات کیے جائیں گے، جبکہ حساس مقامات پر پولیس اور دیگر قانون نافذ کرنے والے اداروں کی اضافی نفری تعینات کی جائے گی۔