ضمنی انتخابات:انتخابی مہم کی خلاف ورزیاں اورنتائج میں شفافیت کاخلاپایا گیا، فافن رپورٹ

ضمنی انتخابات میں انتخابی مہم کی خلاف ورزیاں اورنتائج میں شفافیت کاخلاپایا گیا، فافن نےرپورٹ جاری کردی۔
فافن نے23نومبرکوہونیوالےضمنی انتخابات کےحوالےسے رپورٹ جاری کردی۔
فافن رپورٹ کےمطابق ضمنی انتخابات مجموعی طورپربہترانتظامات کےساتھ منعقد ہوئے،انتخابی مہم کی خلاف ورزیاں اورنتائج میں شفافیت کاخلاپایاگیا،ووٹرٹرن آؤٹ انتہائی کم رہا،زیادہ ترحلقوں میں ٹرن آؤٹ 50فیصدسےکم رہا،فافن کے122مبصرین نے373پولنگ سٹشینزکامشاہدہ کیا،465سےزائدسیاسی کیمپس پولنگ سٹیشنزکےقریب قائم پائےگئے۔
فافن رپورٹ میں کہاگیاکہ 49فیصدپولنگ سٹیشنزووٹرزکی آمدورفت میں پارٹیوں کی سہولت کاری دیکھی گئی،16پولنگ سٹیشنزکےاندرانتخابی موادبھی دیکھاگیا،خواتین ،بزرگ اورمعذورووٹرزکیلئےانتظامات غیریکساں پائےگئے ،93فیصدپولنگ بوتھس پرپولنگ پرامن اورمنظم رہی۔
فافن رپورٹ میں مزیدکہاگیاکہ بعض بوتھس پرووٹرزکوایکسپائرڈشناختی کارڈپرواپس بھیج دیاگیا، 29 فیصدبوتھ پرمعاون افسران نےبیلٹ پیپرپہلےسےسائن کیے،28فیصدپولنگ بوتھ پرپہلےاسٹیمپ لگانے کے واقعات رپورٹ ہوئے،دوپولنگ سٹیشنزپرمبصرین کوگنتی کےدوران داخلےسےروکاگیا،6پولنگ سٹیشنز پرفارم 45پولنگ ایجنٹس کوفراہم نہیں کیےگئے۔