فیس بک میں اہم تبدیلی : نیا الگورتھم کیسے کام کرے گا؟

سوشل میڈیا صارفین کیلئے خوشخبری، فیس بک ایپلی کیشن میں بڑی تبدیلی، نیا الگورتھم کیسے کام کرے گا؟ تفصیلات سامنے آ گئیں ۔
ٹیکنالوجی کمپنی میٹا نے فیس بک ایپ کے لیے بڑے پیمانے پر یوزر انٹر فیس اور ڈیزائن میں تبدیلیوں کا اعلان کر دیا۔
کمپنی کے مطابق ان تبدیلیوں کا مقصد ایپ کو مزید سادہ، دلکش اور استعمال میں آسان بنانا ہے۔نئی اپ ڈیٹ کے بعد فیس بک سرچ رزلٹس کو اپ گِرڈ لے آؤٹ میں پیش کرے گا، جس سے تصاویر، ویڈیوز اور دیگر مواد کو ایک نظر میں دیکھنا زیادہ آسان ہو گا۔
ایپ کے نیچے موجود نیویگیشن بار کو بھی دوبارہ ترتیب دیا گیا ہے۔ اب ہوم، ریلز، فرینڈز، مارکیٹ پلیس، نوٹیفکیشنز اور پروفائل سمیت اہم سیکشنز ایک ہی قطار میں دکھائی دیں گے، جس سے مختلف فیچرز تک رسائی تیز اور آسان ہوجائے گی۔
علاوہ ازیں سوشل میڈیا پلیٹ فارم فیس بک میں ایک اپڈیٹڈ ڈسکوری الگورتھم شامل کیا گیا ہے جو صارفین کی دلچسپیوں کی بنیاد پر نئے دوستوں کی تجاویز پیش کرے گا، جیسے پسندیدہ شوز، مقامات، یا موسیقی وغیرہ کی پسند شامل ہو گی۔