ایچ ای سی کا بلوچستان کے طالبعلموں کیلئے سکالر شپس کا اعلان

یونیورسٹی سٹوڈنٹس کیلئے خوشخبری،ایچ ای سی نے بلوچستان کے طالبعلموں کیلئے سکالر شپس کا اعلان کردیا۔
ہائر ایجوکیشن کمیشن نے بلوچستان کے ہونہار طالبعلموں کیلئے ایل ایل ایم او رپی ایچ ڈی سکالر شپس کا اعلان کیا ہے۔بلوچستان کے طالبعلموں کو ملکی جامعات میں ایل ایل ایم اور بیرون ملک ایل ایل ایم اور پی ایچ ڈی کی سکالر شپس دی جائیں گی ، اس کیلئے ضروری ہے کہ امیدوار کے پاس بلوچستان کا ڈومیسائل اور لوکل سرٹیفکیٹ ہو۔
ایل ایل ایم کیلئے عمر کی بالائی حد 30 سال ،جبکہ پی ایچ ڈی کیلئے 35 سال مقرر کی گئی ہے۔امیدواروں کیلئے ایل ایل بی اور ایل ایل ایم کی تکمیل اور 50 فیصد نمبر ضروری قرار دیئے گئے ہیں، جبکہ اپٹیٹیوٹ ٹیسٹ میں 50 فیصد نمبر ضروری ہیں، درخواستیں جمع کرانے کی آخری تاریخ 13 جنوری 2026 مقرر کی گئی ہے۔
علاوہ ازیں ہائر ایجوکیشن کمیشن نے پاکستانی جامعات اور اداروں میں ایل ایل بی ڈگری پروگرام میں داخلے کیلئے لا ایڈمیشن ٹیسٹ شیڈول بھی جاری کردیا ہے، جس کے مطابق درخواستیں جمع کرانے کی آخری تاریخ 29 دسمبر 2025 مقرر کی گئی ہے، جبکہ ٹیسٹ 25 جنوری 2026 کو ہو گا۔