کم عمری میں میک اپ،کپڑےاورگلیمربہت اچھالگتاہے، لیکن اب میں بڑی ہوچکی ہوں، کومل عزیز

پاکستان شوبزانڈسٹری کی اداکارہ کومل عزیزنےکہاہےکہ کم عمری میں اداکاری بھی مزہ دیتی تھی، شوبز میں میک اپ، کپڑے اور گلیمر اُس وقت بہت اچھا لگتا تھا، لیکن اب میں بڑی ہوچکی ہوں۔
حال ہی میں اداکارہ کومل عزیزنےفوٹواینڈویڈیوشیئرنگ پلیٹ فارم انسٹاگرام پراپنےآفیشل اکاؤنٹ پر مداحوں سے سوال جواب کا سیشن رکھا جس میں انہوں نے مختلف سوالات کے جواب دیے۔
اداکارہ سےایک مداح نےسوال کیاکہ کیا آپ کو اداکاری میں مزہ آتا تھا یا بزنس میں؟ جس کا جواب دیتے ہوئے اداکارہ نے کہا کہ کاروبار میں، کیونکہ اس میں مجھے اپنا دماغ زیادہ استعمال کرنے اور پیچیدہ مسائل حل کرنے کا موقع ملتا ہے، اس کے علاوہ میری مارکیٹ ویلیو عمر کے ساتھ بڑھتی ہے، جبکہ اداکاری میں ایسا نہیں ہوتا۔
کومل عزیزنےمزیدکہاکہ کم عمری میں اداکاری بھی مزہ دیتی تھی، شوبز میں میک اپ، کپڑے اور گلیمر اُس وقت بہت اچھا لگتا تھا، لیکن اب میں بڑی ہوچکی ہوں۔
واضح رہے کہ کومل عزیز نے ڈرامہ انڈسٹری میں کامیاب ڈرامے کیے ہیں جن میں ‘میں نہ جانو،راز الفت،مہلت جیسے ڈرامے شامل ہیں۔
اداکارہ اب اپنا ایک فیشن برینڈ چلا کر کامیاب کاروباری شخصیت کے طور پر خود کو منوا رہی ہیں۔