آئی سی سی رینکنگ:ٹی ٹوئنٹی آل راونڈرز میں صائم ایوب پہلےنمبرپربراجمان

انٹرنیشنل کرکٹ کونسل(آئی سی سی )نےرینکنگ جاری کردی،ٹی ٹوئنٹی آل راونڈرز میں صائم ایوب پہلے نمبرپربراجمان اوربھارتی بلےباز روہت شرما نے ون ڈےمیں پہلی پوزیشن حاصل کرلی۔
آئی سی سی نے ون ڈے، ٹیسٹ اور ٹی ٹوئنٹی پلیئرز کی رینکنگ جاری کر دی۔بھارتی ٹیم کے سابق کپتان روہت شرما پہلی بار ون ڈے میں نمبرون بلےباز بن گئے،ابراہیم زدران دوسرےشبمن گل تیسرے جبکہ بابر اعظم چوتھےنمبر پر برقرار ہیں، جبکہ ون ڈے بولرز میں افغانستان کے راشدخان کی ٹاپ پوزیشن برقرار ہے۔
ٹیسٹ رینکنگ میں شان مسعود کا 5 درجہ ترقی کے بعد ٹیسٹ میں 42 واں نمبر، محمد رضوان ٹیسٹ میں 5 درجہ تنزلی کے بعد21ویں نمبرپرآگئے،پاکستان کے سعود شکیل ایک درجہ بہتری کے بعد 12 ویں نمبر پر آگئے ہیں اور جنوبی افریقہ کے ایڈن مارکرم 2 درجہ بہتری کے بعد 15ویں پوزیشن پر آگئے ہیں۔ٹیسٹ بولرزمیں نعمان علی دوسرے سے تیسرے نمبرپرچلے گئے، بھارت کے جسپریت بُمراہ کا پہلا ،میٹ ہینری کا دوسرانمبر ہے۔
بھارت کےابھیشک شرما کی آئی سی سی ٹی ٹوئنٹی بیٹرز کی رینکنگ میں پہلی پوزیشن برقرار ہےجبکہ انگلینڈ کےفل سالٹ کی دوسری اور بھارت کے تلک ورماکی تیسری پوزیشن ہے۔پاکستان کےصاحبزادہ فرحان ایک درجہ بہتری کے بعد 11ویں نمبر پر آگئے۔آئی سی سی ٹی ٹوئنٹی آل راونڈرز کی رینکنگ میں پاکستان کے صائم ایوب کی پہلی پوزیشن برقرار ہے جبکہ پاکستان کے محمد نواز 8 درجہ لمبی چھلانگ کے بعد چھٹی پوزیشن پر آگئے ہیں۔