جوڈیشل کمیشن کی پشاور ہائیکورٹ کے 6 ایڈیشنل ججز کو مستقل کرنے کی منظوری
جوڈیشل کمیشن آف پاکستان نے پشاور ہائیکورٹ کے چھ ایڈیشنل ججز کو مستقل جج بنانے جبکہ چار ایڈیشنل ججز کی مدت میں چھ ماہ کی توسیع کی منظوری دے دی ہے۔
جوڈیشل کمیشن کااجلاس چیف جسٹس آف پاکستان یحییٰ آفریدی کی زیرصدارت منعقدہوا،جس کااعلامیہ جاری کیاگیا۔
اعلامیہ میں کہاگیاکہ کمیشن کے اجلاس میں پی ٹی آئی کے ارکانِ پارلیمنٹ اور خیبرپختونخوا حکومت کے صوبائی وزیر شریک نہیں ہوئے۔ کمیشن نے متعلقہ ڈیٹا فارم، سابقہ پس منظر (اینٹی سیڈنٹس) اور پیش کردہ مواد کے تفصیلی جائزے کے بعد اکثریتی رائے سے ایڈیشنل جج جسٹس محمد طارق آفریدی، ایڈیشنل جج عبدالفیاض، ایڈیشنل جج جسٹس صلاح الدین، ایڈیشنل جج جسٹس صادق علی، ایڈیشنل جج جسٹس سید مدثر امیر اور ایڈیشنل جج جسٹس قاضی جواد احسان اللہ کو مستقل جج بنانے کی منظوری دی۔
اعلامیہ میں مزیدکہاگیاکہ اسی طرح کمیشن نے جن چار ایڈیشنل ججز کی مدت میں چھ ماہ کی توسیع کی منظوری دی، ان میں ایڈیشنل جج جسٹس فرح جمشید، ایڈیشنل جج جسٹس انعام اللہ خان، ایڈیشنل جج جسٹس ثابت اللہ خان اور ایڈیشنل جج جسٹس اورنگزیب شامل ہیں۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔