جسٹس امین الدین نےوفاقی آئینی عدالت کےچیف جسٹس کاحلف اٹھالیا

جسٹس امین الدین خان نےوفاقی آئینی عدالت کےپہلےچیف جسٹس کےعہدےکاحلف اٹھالیا۔
صدرمملکت آصف علی زرداری نےوفاقی آئینی عدالت کےچیف جسٹس امین الدین خان سےعہدےکاحلف لیا،تقریب میں وزیراعظم شہبازشریف اور چیف جسٹس پاکستان جسٹس یحییٰ آفریدی نےبھی شرکت کی۔
فیلڈ مارشل عاصم منیر سمیت پاک بحریہ اور فضائیہ کے سربراہ بھی تقریب میں شریک تھے۔ اس کے علاوہ نائب وزیراعظم اسحاق ڈاراورچیئرمین پیپلزپارٹی بلاول بھٹوبھی شریک ہوئے۔ اٹارنی جنرل منصور عثما ن اعوان بھی تقریب میں شریک ہوئے۔
سپیکرقومی اسمبلی ایازصادق ،چیئرمین سینیٹ یوسف رضاگیلانی،وفاقی وزراودیگرشخصیات نےبھی تقریب حلف برداری میں شرکت کی۔
گزشتہ روز وزیراعظم شہباز شریف کی سفارش پر صدر آصف علی زرداری نےجسٹس امین الدین کی بطور چیف جسٹس آئینی عدالت تقرری کی منظوری دی تھی۔
جسٹس امین الدین کے کیرئیر پر مختصر نظر :
انہوں نے1984 میں یونیورسٹی لا کالج ملتان سے ایل ایل بی کاامتحان پاس کیا، 1985 میں باقاعدہ پریکٹس کا لائسنس حاصل کرکے وکالت شروع کی، 1987 میں لاہور ہائیکورٹ اور 2001 میں سپریم کورٹ کے وکیل بنے۔
لاہور ہائیکورٹ کے جج کی حیثیت سے مختلف جامعات کے سینڈیکٹ کے رکن رہے، بہاولپور، ملتان اور لاہور بینچ میں ہزاروں دیوانی مقدمات کے فیصلے کیے اور 21 اکتوبر 2019 کو سپریم کورٹ کے جج تعینات ہوئے۔
جسٹس امین الدین سپریم کورٹ میں آئینی بینچ کے پہلے سربراہ بھی بنے۔